క్రిస్మస్ శుభాకాంక్షలు తెలిపిన రెవ.డా.యం. జాన్ విల్సన్

తెలంగాణ / లిబర్టీ న్యూస్ : డిసెంబర్ 25న క్రిస్మస్‌ పండుగ సందర్భంగా క్రైస్తవులకు మెర్సీ గొస్పెల్ మినిస్ట్రీస్, ఆల్ పాస్టర్స్ డిస్ట్రిక్ట్ ప్రెసిడెంట్ రెవ. డా. యం. జాన్ విల్సన్ శుభాకాంక్షలు తెలిపారు. ఈ సందర్భంగా ఆయన మాట్లాడుతూ ఏసుక్రీస్తు బోధనలు విశ్వమానవ సహోదరత్వానికి దోహదం చేశాయని పేర్కొన్నారు. ఏసు శాంతి, కరుణ, సహనం, ప్రేమ విలువలను ప్రపంచానికి చాటారన్నారు. ఒక వైపు శాస్త్ర, సాంకేతిక రంగాలు గొప్పగా పురోగమిస్తున్నా, మరోవైపు మానవీయ విలువలు మృగ్యమైపోతున్న నేటి కాలంలో, క్రీస్తు బోధనలు ఆచరణీయమని తెలిపారు. శత్రువునైనా క్షమించే గొప్ప గుణం ఉండాలని క్రీస్తు బోధించారని, సాటి మనుషుల పట్ల ప్రేమ, కరుణ, సహనం అనే సద్గుణాల ఆచరణ అనివార్యమైందని జాన్ విల్సన్ అన్నారు. ఏసుక్రీస్తు దీవెనలు ప్రజలందరికీ లభించాలని జాన్ విల్సన్ ఆకాంక్షించారు.