జవహర్ నవోదయ సీటు సాధించిన పాల్వంచ, పాండురంగాపురం మాస్టర్ మైండ్స్ కిడ్స్ స్కూల్ విద్యార్థి

తెలంగాణ / లిబర్టీ న్యూస్ : ఇటీవల ప్రకటించిన జవహర్ నవోదయ ప్రవేశ పరీక్ష ఫలితాల్లో పాల్వంచ, పాండురంగాపురం మాస్టర్ మైండ్స్ కిడ్స్ స్కూల్ విద్యార్థి నూనావత్ యశ్వంత్, అత్యుత్తమ ప్రతిభను కనబరిచి, ప్రతిష్టాత్మకమైన నవోదయ  స్కూల్, కరకగూడెం  5వ తరగతి లో సీటు సంపాదించినట్లు కరస్పాండెంట్ జి.రాజు ఓ ప్రకటనలో తెలిపారు. ఈ సందర్భంగా ఏర్పాటు చేసిన  కార్యక్రమంలో మండల విద్యాశాఖ అధికారి శ్రీరామ్ మూర్తి  విద్యార్థిని అభినందించారు. అనంతరం  మాట్లాడుతూ, గ్రామీణ నేపథ్యం గల  విద్యార్థులు కూడా క్రమశిక్షణ, పట్టుదల, నిరంతర కృషి తో ప్రయత్నిస్తే ఎంతటి ఘన విజయన్నైనా  సాధించవచ్చునని, ఈ ఘనత పాఠశాల ప్రతిష్టను మరింత ఇనుమడింపచేస్తుందని, మిగతా విద్యార్థులకు ప్రేరణగా నిలుస్తుందని  పేర్కొన్నారు. అనంతరం కరస్పాండెంట్   విద్యార్థిని  ఘనంగా సన్మానించి అధ్యాపకులను అభినందించారు.