ప్రజలు స్వేచ్ఛగా బ్రతకటానికి రాజ్యాంగం అవసరం : నూకల రంగారావు

తెలంగాణ / లిబర్టీ న్యూస్ : 75వ గణతంత్ర దినోత్సవ వేడుకలను భద్రాద్రి కొత్తగూడెం జిల్లా, పాల్వంచ అంబేద్కర్ సెంటర్లో అంబేద్కర్ ఆటో యూనియన్ ఆధ్వర్యంలో శుక్రవారం ఘనంగా నిర్వహించారు. ఈ కార్యక్రమానికి పాల్వంచ పట్టణ కాంగ్రెస్ అధ్యక్షులు నూకల రంగారావు హాజరై జెండా ఆవిష్కరణ చేశారు. ఈ సందర్భంగా నూకల రంగారావు మాట్లాడుతూ స్వాతంత్ర్య భారతావనికి దశ, దిశ చూపిన రాజ్యాంగం అమలులోకి వచ్చిన మహోన్నతమైన రోజును జరుపుకునేదే గణతంత్ర దినోత్సవం అని అన్నారు. ఎందరో మహానుభావుల ప్రాణత్యాగం వల్ల మన దేశానికి స్వాతంత్రం వచ్చిందని, దేశానికి స్వాతంత్రమెంత అవసరమో ప్రజలు స్వేచ్ఛగా బతకడానికి రాజ్యాంగం అంత ముఖ్యమని అన్నారు. ఈ కార్యక్రమంలో తెలంగాణ ఉద్యమకారుల సంక్షేమ సంఘం అధ్యక్షుడు సయ్యద్ రషీద్, తెలంగాణ ఉద్యమకారుల ఫోరం జిల్లా అధ్యక్షులు యం.డి.మంజూర్, ఎల్.డి.యం కోఆర్డినేటర్ బద్ధి కిషోర్, కాంగ్రెస్ నాయకులు బి.ఎన్.చారి, ఇజ్జగాని రవి గౌడ్, బోశెట్టి సాంబయ్య, తాళ్లూరి సత్యనారాయణ, సమ్మెటి అప్పారావు, బొల్లం భాస్కర్, రాము నాయక్,కొమర్రాజు విజయ్, ఓలపల్లి రాంబాబు, యూత్ కాంగ్రెస్ నాయకులు హెచ్చు మధు, మహిళా కాంగ్రెస్ నాయకులు లక్ష్మీ రెడ్డి,స్వర్ణలత, ఆటో యూనియన్ నాయకులు రాము, గౌస్, జయరాజ్, సందీప్, మల్లిఖార్జున్, మున్నా,రాము తదితరులు పాల్గొన్నారు.