ప్రమాద బాధితులకు అండగా ఎమ్మెల్యే కూనంనేని

తెలంగాణ / లిబర్టీ న్యూస్ : భద్రాద్రి కొత్తగూడెం జిల్లా పాల్వంచ పట్టణంలోని డిఏవి, త్రివేణి, రెజీనా స్కూల్ లలో చదువుకుంటున్న పలువురు విద్యార్థులు వెళుతున్న ఆటోను ములకలపల్లి మండలం సీతారాంపురం గ్రామం వద్ద మంగళవారం సాయంత్రం వేగంగా వస్తున్న కారు ఢీకొనడంతో ఆటోలో ప్రయాణిస్తున్న డి.ఏ.వి స్కూల్ విద్యార్థి ఈశ్వర్ అక్కడికక్కడే మృతి చెందాడు. మిగిలిన విద్యార్థులు తీవ్ర గాయాలు కాగా పాల్వంచ ప్రభుత్వ ఆసుపత్రికి తరలించారు. విషయం తెలుసుకున్న కొత్తగూడెం ఎమ్మెల్యే కూనంనేని సాంబశివరావు హుటాహుటిన పాల్వంచ ప్రభుత్వ ఆసుపత్రికి చేరుకొని క్షతగాత్రుల కుటుంబాలను ఓదార్చారు. మృతి చెందిన విద్యార్థి కుటుంబానికి అండగా ఉంటానని భరోసా ఇచ్చారు. కూనంనేని వెంట సీపీఐ జిల్లా కార్యదర్శి SK.సాబీర్ పాషా, కాంగ్రెస్ నాయకులు నాగా సీతారాములు, సీపీఐ పట్టణ కార్యదర్శి అడుసుమిల్లి సాయిబాబా, పాల్వంచ మండల కార్యదర్శి వీసంశెట్టి పూర్ణచంద్రరావు, కాంగ్రెస్ పార్టీ పట్టణ అధ్యక్షులు నూకల రంగారావు, మైనారిటీ రాష్ట్ర నాయకులు నయింఖురేషి, సీపీఐ, కాంగ్రెస్ నాయకులు ఉన్నారు.