సమస్య పరిష్కరించకుంటే... ఉద్యమిస్తాం...

తెలంగాణ / లిబర్టీ న్యూస్ : భద్రాద్రి కొత్తగూడెం జిల్లా పాల్వంచ కేటీపీఎస్ యాష్ పాండ్ల నుండి బూడిద తరలింపునకు ఎంపిక చేసిన వారికి వెంటనే అనుమతులు ఇవ్వాలని కేటీపీఎస్ అంబేద్కర్ సెంటర్ లో కాలుష్య ప్రభావిత ప్రాంతాలైన గిరిజన కాంట్రాక్టర్ల ఆధ్వర్యంలో చేపట్టిన నిరసన కార్యక్రమాలు, రిలే నిరాహార దీక్షలు శనివారానికి నాల్గవ రోజుకు చేరుకున్నాయి. ఈ సందర్భంగా సేవాలాల్ సేన జిల్లా నాయకులు అజ్మీరా యోగి నాయక్, మాలోత్ శివ నాయక్, జర్పుల పరమేష్ నాయక్, కృష్ణ నాయక్, కుమార్ నాయక్ దీక్ష శిబిరానికి వచ్చి సంఘీభావం ప్రకటించి, మద్దతు తెలిపారు. ఈ సందర్భంగా యాష్ కాంట్రాక్టర్ల నాయకులు మాట్లాడుతూ గత సెప్టెంబర్ లో భద్రాచలం ఐటీడీఏ ప్రాజెక్టు అధికారి బూడిద తరలింపు కోసం దరఖాస్తులు స్వీకరించారని, వారిలో 52 మందిని ఎంపిక చేశారని, నెల రోజులు గడుస్తున్నా వారికి అనుమతులు ఇవ్వక పోవడంతో బూడిద తరలింపు ఆలస్యం అవుతోందన్నారు. దీని వల్ల బూడిద నిల్వలు పెరిగి కాలుష్యం అధికం అవుతున్నట్లు తెలిపారు. వెంటనే అధికారులు స్పందించి సమస్యను పరిష్కరించాలని డిమాండ్ చేశారు. లేనియెడల ఉద్యమాన్ని ఉధృతం చేస్తామని హెచ్చరించారు. ఈ కార్యక్రమంలో కేటీపీఎస్ ఎస్సీ, ఎస్టీ, వడ్డెర,జనరల్ కాంట్రాక్టర్స్ అసోసియేషన్ నాయకులు ధర్మసోతు చందర్, డిష్ నాయుడు, భట్టు చందు నాయక్, భట్టు రవి, పాషా, కృష్ణ, వీరన్న, వీరు, అశోక్, జవహార్, అశోక్, కిషోర్, శ్రీకాంత్, భట్టు గాంధీ, సీతారాములు, హరీష్, వంశీ, సంజయ్, ప్రసాద్, నరేష్, చందర్ లాల్, శశి కుమార్, లక్ష్మణ్, రాజ్ కుమార్, శంకర్, కృష్ణ నాయక్, రమేష్, భీమా, మురళి, బంగారి, సునీత, ఐశ్వర్య  తదితరులు పాల్గొన్నారు.